Ocasio-Cortez e quan Trumpin mediokër: Unë jam e fuqishme si një burrë

Në një intervistë të re për The New Yorker, demokratja e njohur Alexandria Ocasio-Cortez ka thënë se është “po aq e fuqishme sa një burrë,” dhe kjo i ka zemëruar kritikët e saj, përkthen Periskopi.

Ocasio-Cortez e bëri komentin e saj pasi iu tregua se çfarë kishte thënë Ashley Reese për gratë në politikë: “Gratë shpesh karakterizohen si monstra të fshehura si Hillary Clintoni apo shumë idiote ku ‘budallallëku’ i tyre lidhet me seksin e tyre… për kritikët e saj, Ocasio-Cortez është në kategorinë e atyre grave shumë idiote.”

Ocasio Cortez i tha The New Yorker-it që pajtohej me fjalët e Reese dhe “e parashikoi atë gjë prej ditës së parë.”

“Ideja që gratë mund të jenë po aq të fuqishme sa burrat është ajo me të cilën shoqëria nuk mund të përballet. Por unë jam po aq e fuqishme sa një burrë dhe kjo i bën ata të çmendur,” – i tha Ocasio Cortez, revistës.

Duke folur për Trumpin, ajo shtoi:

“Ai është një person i vogël, e mediokër. Jam rritur me një romantizëm të vërtetë për Amerikën. Të isha në dyshemenë e Kongresit ishte përtej asaj për të cilën prindërit e mi kishin ëndërruar. Por personi prapa podiumit [presidenti] ishte kaq i pazoti. Është pak e trishtë.”/Periskopi