5 orë më parëKoeficient të përçudshëm, a u kurdis ndeshja e Superligës së Kosovës?
Periskopi(7 vite më parë)
(7 vite më parë)Në Prizren u zhvillua një ndeshjet tejet interesante mes vendasve të Lirisë dhe Gjilanit. Takimi u mbyll me rezultat të barabartë 1-1, derisa golat u shënuan nga Blendi Memaj (30′) dhe Keita Razak (75′). Por ajo çka është vërejtur dhe është shumë e çuditshme janë koeficientet e basteve për këtë ndeshje. Tashmë edhe ndeshjet e Superligës […]
Takimi u mbyll me rezultat të barabartë 1-1, derisa golat u shënuan nga Blendi Memaj (30′) dhe Keita Razak (75′).
Por ajo çka është vërejtur dhe është shumë e çuditshme janë koeficientet e basteve për këtë ndeshje.
Tashmë edhe ndeshjet e Superligës së Kosovës janë futur në buletinin e bastores më të madhe në botë ‘bet365’, dhe kanë filluar edhe dyshimet e para për kurdisje.
Fillimisht, me të nisur takimi, kuotat ishin të përçudshme. Fitorja e Lirisë kuotohej me 11.00, barazimi me 6.50 dhe fitorja e Gjilani me vetëm 1.16, raporton Periskopi.
‘Bet365’ përjetoi befasi kur në minutën e 30-të Liria kaloi në epërsi, por kuotat sërish tregonin favorit ekipin mysafir… çuditërisht.
Në fakt teksa minutat po ecnin dhe Liria kishte avantazhin, kuotat për fitoren e prizrenasve vetëm rritej ndërsa rikthimi i Gjilanit ishte i ‘sigurt’ sipas kuotave të këtij basti.
Edhe kur nisi pjesa e dytë, kuota e fitores së vendasve u rrit, ani pse ata ishin në avantazh, e kuota e mysafirëve prapë ishte e ulët.
Në minutat në vijim, vet basti filloi të rriste kuotat, siç shihet në foton e mëposhtme.
Derisa afrohej fundi, ‘bet365’ vendosi t’i bllokonte tërësisht kuotat deri në përfundimin e ndeshjes.
Gjilani barazoi rezultatin në minutën e 75-të, por prapë kuotat për ta luajtur këtë ndeshje ishin të bllokuara.
Deri në fund, ndeshja përfundoi baras 1-1, ndërsa lojtari i Gjilanit, Fiton Hajdari në minutat e fundit të takimit huqi një rast të qind për qind, çka do sillte edhe më tepër dyshime për kurdisjen e kësaj ndeshje, shkruan Periskopi.
Kujtojmë se ndeshja e Ligës së Parë mes Trepçës dhe Fushës Kosovës është duke u hetuar nga ana e Prokurorisë për kurdisje.
Mitrovicasit ishin në disavantazh në pjesën e parë, por në gjysmën e dytë ata rikthyen gjithçka. Ndeshja doli nga 2shi në 1sh, kuota më e madhe e asaj ndeshje.
Më pas, FFK-ja i dha fitoren me rezultat zyrtar mysafirëve, pasi Trepça futi në lojë një lojtar që nuk kishte drejtë të luante.
Prokuroria ka filluar hetimin e këtij rasti, ndërsa tashmë edhe në Kosovë është futur ‘virusi’ i kurdisjeve të ndeshjeve, siç po dyshohet edhe në ndeshje e sotme mes Gjilanit dhe Lirisë. /Periskopi/
