Haradinaj: Nëse Amerika e ka njet me heq ushtrinë, e heq – si me taksë, si pa taksë

Haradinaj ka thënë se nëse Amerika tërheq ushtarët nga kampi i Bondstilit, atëherë atë nuk do ta bëjë për shkak të taksës.

:Të gjitha vendimet e sigurisë: vendosja e tërheqja nuk bëhen në këtë mënyrë. Nëse e ka njet me heq ushtrinë, e heq si me taksë, si pa taksë. E shkaku i taksës nuk i tërheq kurrë. Rrini pa merak. Nuk lidhet taksa me atë temë. Këto vendime merren ndryshe. Nuk lidhen me taksë. Për taksën me Serbinë Bondstili s’preket”, ka thënë Haradinaj.

Për këtë çështje, ai u deklarua edhe sot gjatë ditës.

‘’E para, Amerika operon globalisht për siguri. Në krejt globin, edhe ku është prezent edhe ku nuk është. Unë mendoj që vendimet të cilat janë folë për kërcënim  në Kosovë, janë të hershme e ndoshta të avancuara. Për shkak se një vendim i tillë mund të merret por jo në rrethana për taksën. Ndërsa për gjitha argumentet për të cilat është vendos taksa, pra agresiviteti i Serbisë, plani i jashtëm, përpjekjet për destabilizim dhe vonesa  e njohjes janë asyet. Pra taksa mbetet deri në njohje’’.

Tutje ai u ka thënë amerikanëve se Kosova është shtëpia e tyre dhe mund të rrijnë përjetësisht.

Ndërkohë, Periskopi gjatë ditës së djeshme raportoi se zyrtarët amerikanë të Departamentit Amerikan të Shtetit që qëndruan për vizitë në Kosovë, kanë përmendur tërheqjen e kampit të Bondstilit si sanksion të radhës për taksën.

Kjo ishte konfirmuar edhe nga zyrtarë shtetëror që morën pjesë në takimet me zyrtarët amerikanë./PERISKOPI