Barcelona po e shndërron ‘Bernabeun’ në qendër stërvitore (VIDEO)

‘Blaugranasit’ arritën fitore minimale, mjaftueshëm për të dalë me tre pikë dhe për ta konfirmuar se tashmë i mungon vetëm matematika për t’u shpallur kampion.

Ndeshja u karakterizua me shumë tension e ndërhyrje të ashpra, gjersa në minutat e para nuk mungonin as rastet.

Goli i vetëm i ndeshjes u shënua nga Ivan Rakitic (26′), pasi shfrytëzoi asistin e mrekullueshëm të Sergi Robertos. Ky ishte goli i tretë i kroatit në një Klasike.

Në gjysmë e parë vlen të përmendet incidenti i dy kapitenëve, Sergio Ramos dhe Leo Messi. I pari i futi gishtat në sy yllit argjentinas pas një dueli.

Don’t make him angry. pic.twitter.com/5NXm9OfghY

— B/R Football (@brfootball) March 2, 2019

Në pjesën e dytë Santiago Solari u mundua të reagonte, por padyshim tek ‘Galaktikët’ nuk është një lojtar me emrin Cristiano Ronaldo.

Reali rrezikonte vazhdimisht, por problemi vazhdon të mbetet i njëjti… kokretizimi i rasteve.

Në fund, Barça doli e lumtur nga kjo ndeshje, teksa është lidere në tabelë me 60 pikë, 12 më shumë se Reali që gjendet në vendin e tretë.

Reali udhëton në Valladolid në javën e ardhshme, kurse ekipi i Valverdes pret në shtëpi Vallecanon. /Periskopi/