2 minuta më parë90 vjeçari që refuzon ta braktis fshatin: E mbaj në mend luftën si dhe 40 vjet kam kënduar me sharki
Periskopi(7 vite më parë)
(7 vite më parë)Është ndër më të moshuarit në gjashtë fshatra përreth. 90 veçarit, i cili jeton në shtëpi i vetëm mes maleve të fshatit, i bën shoqëri vetëm gurgullima e ujit të lumit që ka pranë. Hetem Halili, nga fshati Keçekollë, ka thënë se nuk do të largohet nga ky vend, pavarësisht që familja e tij, tashmë […]
Është ndër më të moshuarit në gjashtë fshatra përreth. 90 veçarit, i cili jeton në shtëpi i vetëm mes maleve të fshatit, i bën shoqëri vetëm gurgullima e ujit të lumit që ka pranë.
Këtu jam lindur, këtu jam rritur, këtu jam plakur. Edhe lufta kur ka qenë unë nuk jam larguar nga ky vend. Këtu kam jetuar. Mirë kaloj, por po më pengon që nuk po kam me kë të bëj bisedë. Kam televizionin e ai nuk po ma prish hiq qejfin. Deri të vdes nuk do ta lëshojë këtë vend”, deklaroi për RTV Dukagjinin, Hetem Halili.
Me opingat e tij prej lëkure, dhe me shkopin që mbështetet në të, ai shetit përreth oborrit të tij, duke kujtuar kohën kur ishte i ri.
Vendlindja i sjell kujtime të mira atij, por as vështirësitë nuk i kishin munguar përgjatë këtyre viteve.
“Kam punuar vet tokën, kam pasur traktorin. E mbaj në mend luftën edhe kur ka qenë gjermanët këtu. Madje kam qenë i plagosur”, shprehet më tej i moshuari.
Plaku vetullbardhë, ndonëse i shtyrë në moshë, përveç punëve të shtëpisë, sot ai arrin të kujdeset edhe për 200 pemë që i ka të mbjella afër shtëpisë së tij.
Përveç profesioneve të shumta që kishte pasur, ai për 40 vite kishte kënduar në dasma, me sharkinë që e mban edhe sot.
Ai ka thënë se ato kanë qenë vitet më të mira të tij.
“40 vjet kam kënduar me sharki edhe kam pas shumë sukses. Në Gollak kam qenë më i zoti nga të gjithë. Por pleqëria më ka rrëzuar”, rrëfen Halili.
Jeta në fshat e kishte kalitur paksa, por jo edhe për t’ia humbur dashurinë për të.
Plaku i urtë, e fjalë pak, mes nostalgjisë për të kaluarën, ka thënë se ajri i këtij vendi e ka mbajtur.
