Vuçiq: Kosova ka përkrahje për ta konsideruar Kishën e Deçanit trashëgimi kosovare

Presidenti i Serbisë, Aleksandar Vuçiq, ka folur për Ligjin për religjionet që u miratua në Mal të Zi.

Por, duke folur për këtë, ai u pyet gjatë së dielës edhe për trashëgiminë kulturore e religjioze serbe në Kosovë, transmeton lajmi.net.

Vuçiq tha se shpreson që të gjitha mosmarrëveshjet të zgjidhen në mënyrë paqësore dhe përmes kanaleve diplomatike.

“Unë nuk dua të jem një zog ogurzi. Shpresoj se ata nuk do të arrijnë të na bindin që Kisha e Deçanit dhe trashëgimitë e tjera thjesht i përkasin trashëgimisë kulturore shqiptare. Në fakt, ata do të thonë se i përket trashëgimisë së Kosovës dhe për këtë ata kanë mbështetje. Shpresoj që ne përmes rrugëve diplomatike do të mund të arrijmë ta zgjidhim këtë dhe t’i ruajmë shenjtorët tanë serbë”, deklaroi Vuçiq.