Tahir Lushtaku nuk është më trajner i Drenicës

Skuadra nga Skënderaj ka njoftuar se trajneri Tahir Lushtaku me një letër drejtuar klubit, ka njoftuar dorëheqjen e parevokueshme.

Arsyet e dorëheqjes së Lushtakut thuhet të jenë personale.

Letrën e dorëheqjes së Lushtakut:

Para pak qastesh klubi është njoftuar për dorëheqjen e kryetrajnerit të deritanishëm Tahir Lushtakut, në letrën dërguar klubit nga Lushtaku, shkruhet:

“Qe nga sonte me nuk jam kryetrajner i KF Drenicës, pasi ofroj doreheqje të parevokueshme nga klubi.

Aryset e largimit tim nuk kanë të bejne me kryesinë e zgjedhur sonte, e aq me pak me kryetaren e klubit, z. Mihane Kodra – Bekteshi, te ciles i kerkoj falje dhe me vjen keq qe nuk do të jemi bashk ne stinorin pranveror.

Falenderoj kryetarin e Komunës së Skenderajt, z. Bekim Jashari, për ndihmën dhe gatishmerinë për kontribut për klubin, si dhe ifalenderoj kryesitë e viteve paraprake , njekohesisht e falenderoj ish-kryetarin, Ragip Veseli, dhe disa donatorë ata që kontribuan për klubin, i falënderoj stafin tim, futbollistët dhe gjithë bashkëpuntorët që kanë qenë në klub. Dhe një kohësisht falenderim i veçantë për tifozët ‘Shqiponjat e Zeza’ si dhe nengrupin (L2Boys). Gjithashtu falenderim per qytetaret e Skenderajt, për perkrahjen morale ndaj meje gjatë kësaj periudhe.

I uroj klubit, suksese dhe të gjitha të mirat në stinorin pranveror.

Shpresoj që Drenica të jetë kjo që ishte e edhe me e suksesshme dhe të mbetet pjesë e elites, që për mua kjo është më e rendesishmja”, përfundoi Lushtaku.

KF Drenica pas 17 xhirove renditet në vendin e gjashtë në Superligë me 24 pikë, pesë më shumë se Flamurtari, që zë pozitën e 9, pozitë kjo që dërgon në Ligën e Parë.