Spahiu: Shqiptarët e Shqipërisë, vëllezër hileqarë që do ta shisnin Kosovën te Serbia

Spahiu është i njohur për mbështetjen ndaj Republikës së Kosovës dhe për kundërshtimin e idesë së Bashkimit Kombëtar. Z.Spahiu po ashtu njihet si një ndër promovuesit më të mëdhenj të kombit kosovar, si një identit i përveçëm nga kombi shqiptar.

Në statusin e fundit në Facebook, Spahiu ka deklaruar se i ka përbrendësuar të dyja identitetet dhe se pikërisht për një arsye të tillë është kundër “bashkimit”.

“Kur të shoh me këta të Shqipërisë ti dukesh si më qenë i tyre e në anën tjetër je kundër bashkimit Kosovë-Shqipëri. I thash pikërisht ngaqë në vetën time i kam të dyja identitetet: edhe atë shqiptar edhe atë kosovar, jam kundër bashkimit.” – shkruan ai.

Më tej, ai deklaroi edhe se “shqiptarët e Shqipërisë më duken vëllezër hileqarë që po sa ta kenë në dorë, Kosovën ia shesin Serbisë për ndonjë interes fare të vogël.”

Më poshtë e keni statusin e plotë dhe të paredaktuar z.Spahiu:

Kur të shoh me këta të Shqipërisë ti dukesh si më qenë i tyre e në anën tjetër je kundër bashkimit Kosovë-Shqipëri. I thash pikërisht ngaqë në vetën time i kam të dyja identitetet: edhe atë shqiptar edhe atë kosovar, jam kundër bashkimit. Kur ndjehem shqiptar, kosovarët i shoh si vëllëzërit e mi naiva që me idiotësinë e tyre ma rrezikojnë shtetin tim Shqipërinë të krijuar me aq mund e sakrificë. Kur ndjehem kosovar, shqiptarët e Shqipërisë më duken vëllezër hileqarë që po sa ta kenë në dorë Kosovën ia shesin Serbisë për ndonjë interes fare të vogël. Kështu që më rehat secili në shtëpi të vet.