9 orë më parëShkencëtarët amerikanë zbulojnë sekretin e jetëgjatësisë: Duhet të hani speca djegës
Periskopi(6 vite më parë)
(6 vite më parë)Një hulumtim i ri thotë se mund të ketë përfitime të jashtëzakonshme shëndetësore nëse i shtoni speca djegës ushqimeve që hani. Hulumtimi i ri i publikuar në Gazetën e Kolegjit Amerikan të Kardiologjisë ekzaminoi efektet potenciale të specave chili [djegës] në krahasim me shifrën e përgjithshme të mortalitetit, vdekjeve. Aty u zbulua që njerëzit që […]
Hulumtimi i ri i publikuar në Gazetën e Kolegjit Amerikan të Kardiologjisë ekzaminoi efektet potenciale të specave chili [djegës] në krahasim me shifrën e përgjithshme të mortalitetit, vdekjeve. Aty u zbulua që njerëzit që kishin ngrënë djegës kishin pasur më pak rrezik për të vdekur.
Për studimin, hulumtuesit krahasuan edhe rrezikun nga vdekja e parakohshme për mbi 23 mijë njerëz që ishin 35 vjeçar dhe jetonin në Itali, ku speci chili është një përbërës i zakontë. Disa prej pjesëmarrësve hanin chili, e disa të tjerë jo. Hulumtuesit më pas monitoruan statusin shëndetësor dhe shprehitë e ngrënies të secilit person në një periudhë tetë vjeçare, shkruan Salon, përkthen Periskopi.
Në fund të studimit, të dhënat zbuluan që ngrënia e rregullt e specave djegës ishte e lidhur me rrezikun më të vogël të përgjithshëm të vdekjes nga probleme madhore mjekësore si sulmi në zemër.
Hulumtuesit gjetën se ata që hanin ushqime djegës të paktën katër herë në javë kishin 40 për qind më pak gjasa të përjetonin sulm në zemër se ata që hanin rrallë apo që nuk hanin fare.
Më tej, hulumtuesit kanë treguar se mbetet ende e panjohur pse specat djegës ofrojnë kaq shumë përfitime shëndetësore. /Periskopi
