Rusia fut në funksion sistemin e raketave supersonike “Avangard”

Kështu ka bërë të ditur Ministria e Mbrojtjes në Rusi, ndonëse nuk është bërë i ditur lokacioni se ku janë vendosur ato – edhepse zyrtarët kishin dhënë sinjale më herët se ato mund të pozicionoheshin në Malet Urale.

Presidenti rus Vladimir Putin kishte deklaruar se raketat me aftësi bërthamore mund të udhëtojnë me shpejtësi 20 herë më të madhe se shpejtësia e zërit dhe e vendosin kështu Rusinë përpara kombeve të tjera.

Ato kanë një “sistem të rrëshqitjes” që lejon manovrim shumë të madh dhe e bën të pamundshme që të mposhten, transmeton Klan Kosova.

Ministri rus i Mbrojtjes, Sergei Shoigu, ka konfirmuar se “Armët supersonike ‘Avangard’ janë vënë në funksion në orën 10:00, sipas kohës lokale të Moskës, më 27 dhjetor” – duke e cilësuar këtë një “ngjarje historike”.

Putin ka thënë të martën se sistemi “Avangard” mund të depërtojë në sistemet aktuale dhe të ardhshme të mbrojtjes nga raketat.

“Asnjë shtet nuk posedon armë supersonike, e lëre më armë supersonike me rreze kontinentale”, ka deklaruar ai.