5 orë më parëPaulo Dybala mohonte origjinën e tij me fjalë të rënda, Argjentina i bën ‘gropën’
Periskopi(6 vite më parë)
(6 vite më parë)Paulo Dybala është një ndër futbollistët më të talentuar në botë, ani që për kombëtaren e Argjentinës ka një statistikë të tmerrshme duke luajtur 28 herë dhe duke i shënuar vetëm 2 gola. Por, Dybala kishte zemëruar keq polakët me deklaratët e tij ku e mohonte vendin e origjinës, Poloninë. Ylli i Juventusit ka rikthyer […]
Ylli i Juventusit ka rikthyer formën fenomenale këtë sezon, duke arritur që t’i shënojë nëntë gola në 22 ndeshje krahas Cristiano Ronaldos dhe Gonzalo Higuainit.
Por, Dybala vazhdon të vuajë formë të keqe te Argjentina ku luan bashkë me Lionel Messin, përcjell Periskopi.
Megjithëse është lojtar me fat që luan me dy prej futbollistëve më të mirë në botë, në fakt 26 vjeçari ka origjinë polake.
Dybala ishte lindur në Laguna Larga të Cordobas së Argjentinës, por gjyshi i tij Boleslaw Dybala vinte nga fshati i Krasniowit në Poloni, ku kishte ikur gjatë luftës së dytë botërore.
Familja e Dybalas ka madje edhe origjinë italiane nga ana e nënës, me emrin Da Messa që rrjedh nga Provinca e Napolit.
Për shkak të origjinës së familjes, Dybala kishte mundësi që të luante për tri kombëtare, Poloninë, Italinë dhe Argjentinën. Ai refuzoi që të luante për të parën duke thënë fjalë të ashpra madje që kishin irrituar publikun polak.
“Unë ndihem 100 për qind argjentinas, dhe nuk do të isha i lumtur të luaja për një kombëtare që nuk ndihem se është e imja, të dëgjoja himnin që nuk është i imi, me ngjyra që nuk më përkasin.”
S’ka dyshim se po të kishte zgjedhur Poloninë ose Italinë, Dybala do të ishte shumë më i suksesshëm se sa që është aktualisht te Argjentina. /Periskopi
