Ndërron përgjithmonë futbolli evropian: Ekipet e vogla pushtojnë majat e ligave të forta

Po të pyetej në fillim të sezonit, trajneri i këtij ekipi Brendan Rodgers me shumë gjasë do të ishte i kënaqur edhe me vendin e shtatë, apo edhe të dhjetë në tabelë. Por, gjërat kanë shkuar aq mirë sa një vend në Champions League nuk duket aspak një ëndërr e largët.

Me Jamie Vardyn në formë, me James Maddisonin fantastik, Ben Chilwellin, Youri Tielemansin, Çaglar Soyuncun – ky ekip duket tepër i fortë për të gjitha ekipet e tjera të ligës më të fortë në botë, shkruan Periskopi.

Ndërkohë, në po të njëjtën ligë, shumë ekipe të mëdha po shfaqin probleme të jashtëzakonshme. Tottenhami ka 15 pikë më pak, Manchester United 14, Arsenali 19.

Por, nuk është veç Premier Liga ajo që jua ka shtirë ‘ethet në bark’ ekipeve të mëdha.

Në Itali, janë tri ekipe që po luajnë në mënyrë të jashtëzakonshme dhe që kanë uzurpuar tri pozita në gjashtëshen që çon në Evropë.

Në vend të tretë është Lazio me gjasa reale për të luftuar për titullin e kampionit. Në vendin e pestë është Cagliari, që me lojëra të jashtëzakonshme ka arritur të zë vendin e pestë. Ndërsa Atalanta zor se është befasi më. Me ekipin që ka ndërtuar, ky ekip do të ishte zhgënjim nëse nuk arrin të kualifikohet sërish për në Ligën e Kampionëve.

Mbrëmë, Lazio madje ia doli që ta dërrmonte Juventusin duke e mposhtër 3-1 në shtëpi.

Në Spanjë befasitë janë më të vogla, por vlen të përmendim Real Sociedadin që ndodhet në vend të katërt dhe Getafen në vend të pestë. Ndërsa Atletico Madrid është shumë poshtë, në vendin e shtatë në tabelë.

Në Gjermani ndërkohë situata është edhe më kaotike. Bayern Munchen është fundosur në vendin e shtatë, pas humbjes që pësoi dje nga Monchengladbachu. Pikërisht ky ekip është në vend të parë, i përcjellur nga RasenBallsport Leipzig.

Freiburgu i Abrashit është po ashtu befasi që ndodhet në vend të pestë me 25 pikë. /Periskopi