Lajm i kobshëm nga Gjermania, Werderi i Rashicës bie në vend të parafundit

Kur nisi sezoni i ri askush nuk kishte menduar se Werder Bremen do të luftonte për mbijetesë. Ekipi i drejtuar nga Florian Kohfeldt kishte në ekip lojtarë si Yuya Osako, Nuri Shahin, Davy Klaasen, vëllezëri Eggestein, ndër të tjerë. Kjo bëri që bremenasit të kërkonin një vend që çonte në garat evropiane, potencialisht në Ligën e Kampionëve.

Por, që në fillim të sezonit u pa se ky ekip përballej me probleme të shumta. Përveç Rashicës dhe Klaasenit, pak gjëra funksionin ashtu siç duhej.

Javën e kaluar Werderi humbi 6-1 nga Bayerni në krizë dhe pa trajner permanent. Të vetmin gol e shënoi pikërisht Rashica.

Ndërkohë që humbja e kësaj jave, bëri që Werder Bremeni të binte në pozitën e barazhit, atë të 16-n. Sidoqoftë, sot gjatë ditës arriti fitore Fortuna Dusseldorf dhe kaloi në kuotën e 15 pikëve, duke e lënë Werderin në vendin e parafundit.

Për më keq, aktualisht edhe Paderborni i vendit të fundit është duke fituar, gjë që e bën edhe më të pasigurte pozitën e ekipit të Rashicës në Bundesliga 1. /Periskopi