3 orë më parëKthehet si vigan Rrahmani: Verona nga 0-3 në 3-3 kundër Torinos
Periskopi(6 vite më parë)
(6 vite më parë)E pabesueshmja sapo ka ndodhur në Bentegodi të Veronas. Hellas Verona ka përmbysur disavantazhin prej tre golash kundër Torinës në një ndeshje absolutisht mahnitëse që u zhvillua në kuadër të javës së 16 në Serie A, dhe e cila ishte e fundit për këtë vit. Dy gola nga Ansaldi dhe një tjetër nga Berenguer bënë […]
Dy gola nga Ansaldi dhe një tjetër nga Berenguer bënë që Verona ta shihte veten në disavantazh të thellë prej tre golash. Për më tepër, Verona po luante tepër dobët, me gabime të shumta në mbrojtje e në mesfushë, dhe pa mundur të krijonte asgjë në sulm.
Por, gjërat ndryshuan me futjen në lojë të veteranit Giampaolo Pazzini. Ai arriti që të konkretizonte një penalti me sukses, pas së cilës rriti besimin e ekipit të tij, përcjell Periskopi.
Ishte Verre ai që ngushtoi edhe më tej rezultatin në 2-3 ndërkohë që Stepinski barazoi përfundimisht shifrat në 3-3.
Iu kujtojmë se Rrahmani pas gabimit të tmerrshëm ia doli që të merrte veten dhe t’i jepte forcë ekipit për t’u rikthyer duke arritur që të bënte ndërhyrje vendimtare në fazën e mbrojtjes.
Verona me këtë pikë ia del që të kalojë në shifrën e 19 pikëve.
Videot për ndeshjen do t’i kemi së shpejti.
