Kosovari 16-vjeçar që nënshkroi sot me gjigantin e Bundesligës është mjeshtër i vërtetë nga gjuajtjet e lira

Futbollisti me prejardhje kosovare, Mehmet Ibrahimi u bë lajm sot në mediet lokale pasi nënshkroi kontratë profesionale me klubin e Leipzigut.

16-vjeçari raportohet se është shpërblyer me kontratë profesionale, pasi shkëlqeu me grupmoshat e reja, transmeton Periskopi.

Në 14 ndeshje për grupmoshat U17 të Leipzigut, ai ka shënuar katër gola dhe një asistim.

Ndër të tjerash, Mehmeti ka zhvilluar edhe dy ndeshje për grupmoshat U17 për Kombëtaren e Gjermanisë.

Shpresojmë se ai do të jetë i përshtatshëm për stilin e lojës së “Dardanëve” dhe të ftohet nga Bernard Challandes në të ardhmen.

Për më tepër, ai po del të jetë një mjeshtër i vërtetë nga gjuajtjet e lira.

Periskopi ka hulumtuar dhe ka gjetur pamje nga ndeshjet e tij me grupmoshat e reja të Leipzigut.

Në videon e mëposhtme, nga minuta 0:56, ai shënon një gol brilant nga ndërprerja kundër Union Berlinit. /Periskopi.com/