Klopp pas triumfit në Kupën e Botës: Jemi shumë të lodhur, por është sensacionale

Liverpool janë shpallur kampion bote për herë të parë në histori të klubit, duke mposhtur mbrëmë Flamengon në finalen e Kupës së Botës.

Klopp thotë se skuadra e tij është jashtëzakonisht e lodhur pas këtij triumfi, por kjo ‘sakrificë’ ia ka vlejtur.

“Jemi të gjithë të lodhur nga një ndeshje e vështirë” ka thënë Klopp, transmeton lajmi.net.

“Ishte performancë e jashtëzakonshme dhe ndeshje shumë e vështirë, kundër një kundërshtari të mirë” shtoi gjermani.

“Ne  kemi bërë shumë gjëra të mira, është e pabesueshme, shumë momente të mira futbolli” ka thënë ndër të tjerash trajneri i ‘Reds’.

Ishte Roberto Firmino lojtari që shënoi golin e fitores për Liverpool, duke i dhënë skuadrës së tij epitetin kampion bote.