Kjo nuk është fer: Barcelona po fiton me ndihmën e forcave jashtëtokësore

Barcelona arriti një tjetër fitore në La Liga, 4-1, kundër Alavesit, në ndeshjen e vlefshme për javën e 18-të në La Liga.

Fillimisht Antoine Griezmann hapi llogarinë e golave në minutën e 14-të, para se Arturo Vidal të dyfishonte në të 45-tën, raporton Periskopi.

Mirëpo, ndeshja u rihap në minutën e 56-të kur Pons ngushtoi duke shënuar për 2-1 për Alavesin.

Mirëpo, ku ke një jashtëtokësor në skuadër gjithçka është më e lehtë.

Lionel Messi me një gol absolutisht brilant nga distanca realizoi për 3-1 në minutën e 69-të, para se Suarez të shënonte nga penalltia në minutën e 75-të.

Pas kësaj fitoreje, Barcelona kryeson në La Liga me 39 pikë, tri më shumë se Real Madridi që ka një ndeshje më pak të luajtur. /Periskopi.com/