Igli Tare flet pasi përloti Ronaldon dhe i mori trofeun me Lazion: Thumbon tifozët

Tare ka qenë mjaft i guximshëm në deklaratat e tij pas ndeshjes, madje duke thumbuar edhe vetë tifozët e klubit që e festuan fitoren edhe pse e braktisën klubin kohë pas kohe.

“E ndërtuam të gjithë bashkë bashkë, prandaj është fitorja e një grupi të madh. Shpresoj të jetë vetëm fillimi i një rrugëtimi të gjatë. Me kalimin e kohës ndikojnë shumë gjëra, por kur je i bindur se ke bërë një punë të mirë ke besim te rezultatet. Ky trofe është shumë i rëndësishëm, është konfirmimi i një skuadre të mrekullueshme. Merita është e trajnerit Inzaghi dhe e stafit të tij. Ata e dinë si t’i sistemojnë gjërat si në momentet negative dhe në ato pozitive”, tha Tare.

Më pas, z.Tare thumboi tifozët e Lazios që e duan këtë ekip vetëm kur skuadra fiton.

“Është një trofe që dua t’ua dedikoj edhe atyre kërpurdhave që dalin pas shiut. Kjo fitore është edhe për ata, që të mos të dalin vetëm kur fitojmë por edhe kur humbim, sepse skuadra ka nevojë për njerëzit e saj sidomos në këto momente”, shtoi ai.

Iu kujtojmë se mbrëmë Lazio fitoi bindshëm 3-1 ndaj Juventusit, ndërkohë që po luan mjaft mirë edhe në Serie A ku është në vendin e tretë dhe me gjasa reale për të luftuar edhe për titullin e kampionit. Cristiano Ronaldo, shumë i hidhëruar pas humbjes, e hoqi menjëherë medaljen nga qafa e tij. /Periskopi