Goli i Rashicës veç sa për sy e faqe: Bayerni e shkatërron me themel Werderin

Bayern Munichu e ka demoluar, shkatërruar, poshtëruar a çka t’i themi, Werder Bremenin e Milot Rashicës. Realiteti u duk kopësht me lule për mysafirët në “Allianz Arena”, kur Rashica realizoi një gol absolutisht sensacional nga distanca në minutën e 24-t, shkruan Periskopi. Mirëpo, që nga ai moment, Bremeni ia bëri “varrin” vetes, me bavarezët që […]
Bayern Munichu e ka demoluar, shkatërruar, poshtëruar a çka t’i themi, Werder Bremenin e Milot Rashicës.
Realiteti u duk kopësht me lule për mysafirët në “Allianz Arena”, kur Rashica realizoi një gol absolutisht sensacional nga distanca në minutën e 24-t, shkruan Periskopi.
Mirëpo, që nga ai moment, Bremeni ia bëri “varrin” vetes, me bavarezët që u duk se u inspiruan nga goli i kosovarit.
Në minutën e 45-të, Philippe Coutinho barazoi rezultatin në 1-1 për të filluar festën e golave.
Robert Lewandowski 45’+4 dhe 72′, Coutinho 63′ dhe 78′, Muller 75′ realizuan për rezultatin përfundimtar, 6-1.
Pas kësaj fitoreje, Bayerni grumbullon 27 pikë dhe pozicionohet në vendin e katërt.
Në anën tjetër, Werderi mbetet në kuotën e 14 pikëve dhe është buz zonës së rrezikshme për rënie nga liga, në vendin e 15-të. /Periskopi.com/












