Florian Marku e shpartalloi kundërshtarin mbrëmë me grushte të njëpasnjëshme dhe fitoi meçin

Boksieri shqiptar, 27-vjeçari nga Lushnja, Florian Marku, e ka vazhduar shkëlqimin në boksin profesionist

.Marku sonte ka fituar ndaj britanikut Nathan Bendon, në meçin që u zhvillua në Mançester në kuadër të turneut “Ultimate Boxxer 6”.

Mbi një mijë shqiptarë nga Anglia dhe viset tjera të Britanisë së Madhe ishin prezent në Mançester për të përkrahur Markun, i cili në rundin e gjashtë edhe e siguroi fitoren meqë pas një sërë goditjesh të njëpasnjëshme, gjyqtari i pranoi nokdaun dhe i numëroi kundërshtarit.

Për Markun kjo ishte fitorja e 6-të në po aq meçe të zhvilluara në boksin profesionist, derisa karrierë të suksesshme ka pasur edhe në MMA dhe Kikboks.

Ndërsa, për rivalin e tij të sotëm, kjo ishte humbja e parë, pas tri fitoreve dhe një barazimi.

Më poshtë mund t’i shikoni pamjet nga rundi i gjashtë i meçit të mbrëmshëm. /Periskopi.com/