E bujshme: Tinejxheri që shokoi Evropën kapet duke nënshkruar fanellën e Man Unitedit

Pas së gjithash, sulmuesi i RB Salzburgut ka treguar formë të jashtëzakonshme këtë sezon.

Norvegjezi ka realizuar plot 28 gola në 22 paraqitje në të gjitha garat këtë fushatë – përfshirë tetë në Champions League, transmeton Periskopi.

19-vjeçari e ka fizikun e një profesionisti të pjekur dhe duket i gatshëm të luajë për top klubet evropiane.

Kush do të shpenzojë për të 80 milionë euro, mbetet të shihet.

Ka shumë gjasa që ai të përfundojë te Manchester Unitedi. “The Sun” raporton se Unitedi është “afër” t’i sigurojë shërbimet e tij në janar, por lojtari do të qëndronte si i huazuar te Salzburgu deri në verë.

Solskjaer është takuar me përfaqësuesit e Haalandit javën e kaluar, vlen të theksohet.

Spekulimet se i riu do të përfundojë tek Unitedi vetëm sa do të shtohen pasi të martën mbrëma Haaland u kap nga kamerat duke nënshkruar një fanellë të Unitedit.

Fansat sy-shqiponjë kanë vënë re se ai gjithashtu ka filluar ta ndjek Unitedin në rrjetet sociale, që është vetëm klubi i dytë që ai e ndjek pas RB Salzburgut. /Periskopi.com/

Nothing to see here, just Erling Braut Haaland signing a Manchester United shirt ?#MUFC #Haaland pic.twitter.com/8c6wLAmcsm

— GiveMeSport Football (@GMS__Football) December 17, 2019