Dy gjëra janë të sigurta në këtë jetë, vdekja dhe fitorja e Liverpoolit: Watfordi e pësoi kësaj here

Kjo është ajo që i bënë djelmoshat e Jurgen Kloppit të veçantë këtë sezon. Ata mund të fitojnë edhe kur nuk janë në ditën e tyre më të mirë, shkruan Periskopi.

Përndryshe, ta cekim më shpejt, Xherdan Shaqiri startoi sot çuditërisht, por u zëvendësua në minutën e 70-të nga Alex Oxlade-Chamberlain.

Impakti i tij në ndeshje ishte minimal, e drejtë të themi.

E tash të flasim pak për golin e parë. Mohamed Salah e realizoi në minutën e 38-të dhe është bukuri e vërtetë.

Ai qëlloi cakun për mrekulli, pasi u lirua nga një prej mbrojtësve, derisa goditi me këmbën e tij të dobët.

I njejti lojtar e pati të lehtë të shënonte edhe golin e dytë, pasi Sadio Mane në afërsi të portës nuk qëlloi saktë, me topin që përufundoi tek egjiptiani, i cili nuk gaboi nga afërsia.

Pas kësaj fitoreje, Liverpooli grumbullon 49 pikë dhe prin dukshëm në kampionat, me 11 pikë më shumë se Leicesteri në vendin e dytë, por “Dhelpërat” kanë një ndeshje më pak të luajtur. /Periskopi.com/