Dardani i Javës: Vedat Muriqi më i miri, zhgënjen keq Rashica

Vikendi që lamë pak nuk ishte aq i mirë për futbollistët e Kombëtares së Kosovës në futboll.

Prizrenasi Vedat Muriqi bëri paraqitje fantastike për Fenerbahçen në ndeshjen derbi kundër Beshiktashit në Superligën e Turqisë, duke shënuar gol në minutën e ’58. Ekipi i tij fitoi me rezultat 3-1 dhe ruan gjasat për titull, edhe pse aktualisht është në vendin e tretë.

Bersant Celina duket se ka filluar ta lë dembelizmin anash, pasi ishte startues për Swansean që fitoi si mysafir i Lutonit [0-1].

Ylli tjetër, Milot Rashica pësoi humbjen e radhës me Werderin pasi u mposht nga Koln me rezultat minimal 1-0. Kjo bëri që Werderi të dilte në vendin e parafundit në tabelë dhe tashmë ka vetëm një prioritet: të mbijetojë. Kujtojmë se ky ekip në fillim prioritet e kishte pasur pjesëmarrjen në garat evropiane. Në fund të ndeshjes ai e mori notën 6,9, përcjell Periskopi.

Ndërkohë, anësori i kombëtares, Edon Zhegrova, luajti nga minuta e parë në humbjen e Baselit kundër Luzernit [2-1]. Edoni nuk bëri paraqitje të jashtëzakonshme në javët e fundit.

Gardiani i Kosovës, Aro Muriq, vazhdon të jetë rezervist te Nottingham Forest. Ibrahim Dresheviq ndërkohë u paraqit edhe këtë javë në Eredivisie të Holandës për ekipin e tij Heereenveen.

Kësisoj, pa fijen e dyshimit që Vedat Muriqi është “Dardani i Javës”. /Periskopi