Dalin pamjet HD: Ja gabimi i rëndë i Rrahmanit dhe kthimi nga 0-3 në 3-3

Torino e shkeli Veronën gjatë pjesës së parë duke krijuar shumë raste shënimi dhe pa e lënë Veronën të krijonte ndonjë rast.

Golin e parë e shënoi Aleks Berenger [Berenguer] por i cili u anulua pasi Ansaldit i kishte ikur topi jashtë vijës fundore.

Pikërisht Ansaldi bëri golin e parë pas një depërtimi të bukur nga krahu i majtë, në të cilin po luan edhe kapiteni i Kombëtares së Kosovës, Amir Rrahmani, përcjell Periskopi.

Megjithë rastet, nuk pati më gola në pjesë të parë.

Në të dytën, Aleks Berenger arrin të depërtojë ndaj Rrahmanit i cili reagon në mënyrë paksa amatoreske duke u munduar me përvjedhje t’i largonte topin nga këmbët atij. Por, kjo i mundësoi Berengerit të vazhdonte më tej, dhe të gjente golin e dytë.

Goli i tretë u shënua sërish nga Ansaldi që goditi fuqishëm nga jashtë gjashtëmbëdhjetshit.

Por, loja u kthye krejt në anën tjetër sapo u fut në lojë veterani Giampaolo Pazini, bashkë me Maruisz Stepinskin dhe Valerio Verren.

Ishin pikërisht këta tre zëvendësues që ia dolën të shënonin për rezultatin përfundimtar të ndeshjes 3-3.

Më poshtë keni pamjet e kësaj ndeshjeje nga kanali zyrtar i Serie A në YouTube.

Me këtë pikë Verona i ikë edhe më shumë zonës së rënies nga liga. /Periskopi