Barcelona mbeti e impresionuar nga ylli i Interit mbrëmë: Lufton me krejt çka ka për ta transferuar

Gazeta spanjolle “AS” raporton se drejtorët e Barcelonës ishin të impresionuar me sulmuesin e Interit, Lautaro Martinez në ndeshjen e mbrëmshme dhe janë të gatshëm ta aktivizojnë klauzolën e tij 111 milionëshe.

Martinez dështoi të shënonte kundër blaugranëve, por ishte rrezik konstant për katalunasit, shkruan Periskopi.

Ai dhuroi, megjithatë, asistimin për golin e Romelu Lukakut në “San Siro”.

Sulmuesi argjentinas ka një klauzolë me vlerë prej 111 milionë eurove, mirëpo është aktive për vetëm dy javët e para të korrikut.

Interi thuhet se po punon për ta rinovuar kontratën e Martinezit, dhe shpreson ta largojë tërësisht klauzolën. /Periskopi.com/