Vetëm pas raportimit të Periskopit, Federatës iu kujtua se Kosovë-Rusi zhvillohet sot

Gafet e Federatës së Futbollit të Kosovës thjesht kanë filluar të tejkalojnë çdo kufi.

Që nga dënimi me burg efektiv të presidentit të këtij institucioni e deri te fabrikimi i informacioneve të rrejshme, e drejtë të themi se FFK ka prekur një fund të ri, të pashkelur më herët, shkruan Periskopi.

Kur këtyre gafeve ia shtojmë edhe sulmin fizik të presidentit Agim Ademi ndaj gjyqtarit, Bajram Gashi atëherë fillon gërmimi për një fund tjetër, nën koren e tokës.

Por çka nëse edhe kësaj i shtohet mungesa e profesionalizmit dhe paralajmërimit adekuat për ndeshjet që grupmoshat e reja i zhvillojnë nëpër kompeticione prestigjioze jashtë vendit? E vështirë ta përshkruajmë me fjalë çfarë fundi preket pas kësaj.

U desh që Periskopi të reagonte me një postim për ndeshjen Kosovë U19 – Rusi U19 që po zhvillohet në Uells, për t’iu kujtuar FFK-së se ‘Dardanët’ e rinj sot zhvillojnë takim.

Ata publikuan linkun që paraprakisht e publikoi Periskopi ku mund të shihet ndeshja në transmetim direkt, që erdhi pas raportit të pjesës së parë.

Madje, para kësaj, FFK fare nuk kishte lajmëruar se ndeshja zhvillohet sot, siç duhet të ndodh çdo herë në ditën kur Kosova zhvillon një ndeshje kaq të rëndësishme. /Periskopi.com/