Spanja do të shkojë në ferr për atë që i bëri Maltës sonte, askush nuk meriton poshtërim të tillë

U luajtën mbrëmjen e sotme, pesë takime të tjera nga fushata eliminatore të vlefshme për EURO 2020.

Italia, edhe pse e kualifikuar, mori fitoren e 9-të në nëntë takime, duke mposhtur 0-3 Bosnjën. Golat për ekipin e Mançinit u shënuan nga Açerbi, Insinje dhe Beloti, një goditje fantastike nga jashtë zone.

Spanja e bëri “7 ballë” ndaj Maltës, ku fitoi pastër me shifrat 7-0. Golat e Moratës, Cazorlas, Torres, Sarabias, Olmos, Morenos dhe Navas, e çuan Spanjën në kuotën e 23 pikëve në vendin e parë në grupin F.

Nuk po e bëjmë më të madhe këtë. Askush mos qoftë nën lëkurën e maltezëve.

Përballje vendimtare ishte ajo mes Rumanisë dhe Suedisë, po në këtë grup. Suedezët mposhtën Rumaninë me shifrat 0-2, me gola të Berg dhe Kuaison, duke shkuar në vendin e dytë me 18 pikë, plot 4 më shumë se Rumania një vend më poshtë.

Zviçra iu fal golit të vetëm në sfidën me Gjeorgjinë, të shënuar nga Iten në minutën e 77-të, duke shkuar me 14 pikë në vendin e parë të grupit D. Takimi tjetër i mbrëmjes u fitua nga Danimarka me shifrat 6-0. /Periskopi.com/