Skuadrat që u përballën me Ajaxin në ‘Ligën e Kampionëve’ shkarkuan trajnerët

Kampionët e Eredivise u eliminuan në gjysmëfinale nga Tottenham Hotspur, që para dy dite shkarkuan trajnerin e tyre Mauricio Pochettino.

Por jo vetëm Spurs vepruan njësoj, pasi të gjitha skuadrat që u përballën me Ajax edicionin e kaluar në Ligën e Kampionëve kanë shkarkuar trajnerët e tyre – paraprakisht më herët ose gjatë këtij edicioni, përcjell lajmi.net.

I pari që i priu shkarkimit ishte trajneri i Benfica, Rui Vitoria – me të cilët skuadra holandeze luajti në fazën e grupeve. Ashtu siç bëri edhe tekniku i AEK-ut Marinos Ouzounidis. Niko Kovac i Bayernit është trajneri tjetër që u shkarkua këtë sezon, por që kishte luajtur në fazën e grupeve kundër Ajax.

Santiago Solari i Real Madrid, Masimiliano Allegri i Juventusit dhe së fundmi Pochettino i Tottenham kanë kompletuar ”mallkimin e Ajax”, pasi u ndeshën me ekipn gjatë fazës së eliminimit direkt.

A do të vazhdojë ky mallkim edhe këtë edicion? Mbetet të shihet shumë shpejtë.