6 orë më parëSituatë aspak e favorshme, Kosova luan si mysafire e shteteve që e kundërshtojnë Pavarësinë tonë
Periskopi(7 vite më parë)
(7 vite më parë)Në shortin e UEFA-s është konfirmuar se Kombëtarja e Kosovës në futboll do të luajë si mysafire e Bjellorusisë ose Gjeorgjisë. Mirëpo, krejt kjo vetëm nëse e kalon testin e parë në gjysmëfinale të playoffit të Ligës së Kombeve ku do ta ketë përballë Maqedoninë e Veriut, shkruan Periskopi. Përveç ndeshjes kundër maqedonëve, të cilën […]
Në shortin e UEFA-s është konfirmuar se Kombëtarja e Kosovës në futboll do të luajë si mysafire e Bjellorusisë ose Gjeorgjisë.
Mirëpo, krejt kjo vetëm nëse e kalon testin e parë në gjysmëfinale të playoffit të Ligës së Kombeve ku do ta ketë përballë Maqedoninë e Veriut, shkruan Periskopi.
Përveç ndeshjes kundër maqedonëve, të cilën “Dardanët” e luajnë si mysafirë, ata do të jenë poashtu mysafirë të ndonjërës nga çifti tjetër gjysmëfinal Bjellorusi-Gjeorgji.
E sa i përket Bjellorusisë dhe Gjeorgjisë, këto dy shtete jo vetëm që nuk e njohin Pavarësinë e Kosovës, por ato edhe lobojnë kundër njohjes së shtetit tonë.
Andaj, është një situatë tepër jo e favorshme për Kombëtaren kur marrim parasysh se do të luajë në një terren armiqësor ndeshjen më të rëndësishme në histori të vendit.
Por krejt ky skenar varet detyrimisht nga fakti nëse Kosova e mposht apo jo Maqedoninë në gjysmëfinale. /Periskopi.com/
