8 orë më parëShqipëria shpall Pavarësinë nga Kosova: Futbollistët e prodhuar po bëjnë namin
Periskopi(7 vite më parë)
(7 vite më parë)Kombëtarja e Shqipërisë në futboll është harruar paksa pas sukseseve eklipsuese të Kombëtares së Kosovës në dy vitet e fundit. Sidoqoftë, në këto vite, Shqipëria ka qenë duke prodhuar lojtarë që po e bëjnë namin në garat evropiane. Marash Kumbulla është partneri në mbrojtjen e Veronës për kapitenin e Kosovës, Amir Rrahmanin. Ai është vetëm […]
Marash Kumbulla është partneri në mbrojtjen e Veronës për kapitenin e Kosovës, Amir Rrahmanin. Ai është vetëm 19 vjeçar dhe debutimi në Serie A pritet t’ia rris çmimin në maksimum.
Por, Marashi nuk është i vetmi lojtar fantastik që doli nga “lloçi” i fushave të Shqipërisë e që nuk ka origjinë kosovare.
Duket se Shqipëria ka filluar të kuptojë realitetin e ri të krijuar pas pranimit të Kosovës në UEFA dhe FIFA. FFSH dhe ekipet shqiptare po i grahin punës duke bërë të pamundurën që të prodhojnë sa më shumë talente, shkruan Periskopi.
Përveç Marash Kumbullës, tashmë Shqipëria ka edhe të tjerë lojtarë cilësor që luajnë në ekipe të mëdha.
Elseid Hysaj luan te Napoli dhe vlen 18 milionë euro. Thomas Strakosha luan te Lazio dhe vlen 20 milionë.
Emanuele Ndoj luan po ashtu në Serie A dhe vlen 3 milionë. Rey Manaj, që ishte pjesë e Interit dikur, vlen 1,5 milionë. Shkodrani Bekim Balaj vlen 1,3. Ndërkohë, bujë të madhe së fundi po bën edhe Keidi Bare i cili luan me gjigantin spanjoll Malaga. /Periskopi
