Real Madridi luftoi me krejt çka ka për një fitore minimale kundër Alavesit, e përzë nga vendi i parë Barçën

Sergio Ramos kaloi së pari në epërsi “Los Blancos” në minutën e 52-të, me anë të një goli me kokë pas asistimit brilant nga Toni Kroos, raporton Periskopi.

Mirëpo, vendësit u rikthyen duke barazuar në minutën e 65-të me anë të një penalltie të konkretizuar nga Lucas Perez.

Kur të gjithë nuk dinin se çka të prisnin, me fitoren që mund të shkonte në të dy anët, Dani Carvajal doli të jetë heroi i Realit, jo që bëri diçka të jashtëzakonshme, por shënoi golin e fitores me një prekje të lehtë në portën e hapur në minutën e 69-të.

Pas kësaj fitoreje, Reali zë pozitën e parë me 31 pikë, tri më shumë se Barça në vendin e dytë.

Në anën tjetër, Alavesi – jo që i intereson shumë ndokujt – pozicionohet në vendin e 13-të me 18 pikë. /Periskopi.com/