Muriqi alarmon Man Unitedin dhe Tottenhamin me deklaratën e fundit

Sulmuesi shtatlart i Kombëtares së Kosovës në një intervistë së fundmi për “NTV Spor” ka dhënë lajmin e bujshëm se dëshiron të luajë në Premier League, dhe kjo do të jetë “muzikë” për veshët e Manchester Unitedit dhe Tottenhamit, shkruan Periskopi.

Kjo pasi më herët këto dy klube u raportuan se janë të interesuara të nënshkruajnë me Muriqin, me Tottenhamin që madje u tha se është në bisedime të avancuara.

“Shtëpia ime tashmë është Fenerbahçeja. Ishte ëndrra ime e fëmijërisë që u bë realitet. Shpresoj që këtu të fitoj kampionatin. Kur ta realizojë këtë, qëllimi im është të luajë në një klub të madh europian”, shprehet Muriqi.

Më tej ai shton: “Premier Liga më përshtatet më shumë si Ligë, pasi ka luftë fizike dhe një nivel të lartë. Sezoni i kaluar për Fenerbahçen nuk do të ndodhë më dhe për këtë jemi të gjithë të vendosur.” /Periskopi.com/