Midis Çekisë: Para një muaji, kjo kombëtare e vogël e turpëroi Çekinë (Video)

Kosova mbetet në garë praktikisht vetëm me një fitore midis Pëllzenit [Plzen] dhe misioni është tepër i vështirë kur dihet se sulmuesi kryesor, Vedat Muriqi, do të mungojë për shkak të lëndimit.

Por, Çekia nuk është kombëtarja më e fortë në botë. Sipas renditjes së FIFA-s ajo është e 43-a në botë, edhe pse së fundi e bëri namin duke e mposhtur në shtëpi Anglinë 2-1.

Ishte pikërisht kjo fitore që e bëri misionin e Kosovës për kualifikim shumë më të vështirë.

Sidoqoftë, se Çekia nuk është në formën më të lartë dëshmon ndeshja që Çekia e zhvilloi në Pragë kundër Irlandës së Veriut, shkruan Periskopi.

Çekia në fakt kishte vënë në formacion të gjithë lojtarët më të mirë të saj, por edhe disa talente të reja.

Dhe ajo që ndodhi nuk pritej nga askush. Ishte kombëtarja e vogël e Irlandës së Veriut që luajti shumë më mirë dhe krijoi epërsi prej 0-3 brenda pjesës së parë. Rezultati përfundimtar kishte qenë 2-3. /Periskopi