Latifi: Ra ky mort dhe u pa se kombi shqiptar është mbi kushtetutat e kufijt

Profesori i Filozofisë,  Blerim Latifi, duke komentuar organizim e madh të qytetarëve të Kosovës për të ndihmuar në të gjitha format banorët e Shqipërisë pas tërmetit të tmerrshëm që goditi dje shtetin shqiptar, ka thënë se kjo tregon se kombi shqiptar është mbi kushtetuat që shkruajmë e mbi kufijtë administrativë.

“Ra ky mort dhe e pamë se kombi shqiptar është mbi kushtetutat që shkruajmë andej e këndej, është mbi kufijtë politikë e administrativë që janë vendosur dikur, e mbi kufijtë shpirtnorë që duan t’i vendosin tash”, shkruan Latifi në facebook-un e tij.

Solidarizimi i shtetasve të Kosovës ka nisur menjëherë dje pas lajmit për tërmetin apokalitpitik që rezultoi me humbje  në njerëz e dëme të mëdha materiale.

Organizimet për grumbullimin e ndihmave për shqiptarët janë duke vazhduar edhe sot nëpër të gjitha komunat e Kosovës.

Kosovarët janë shprehur të gatshëm të ofrojnë strehim, veshmbathje, furnizime me ushqime e para.

Qeveria e Kosovës ka ndarë 500 mijë euro për Shqipërinë, ndërsa njerëz të tjerë të vullnetit të mirë po vazhdojnë të ofrojnë shuma të konsiderueshme të parave për t’u dalë në ndihmë shqiptarëve. /Periskopi/