Lakers dominojnë në Perëndim, triumfojnë edhe Toronto, Clippers e Houston

Lakers vazhdojnë të udhëheqin renditjen në Konferencën e Perëndimit pas fitores 114-110 në fushën e New Orleans, ndeshje me rivalitet dhe emocione. Vendasit e udhëhoqën takimin shumicën e kohës (Holiday 29 pikë), por në fund erdhi përmbysja e Lakers, ku u dallua Davis me 41 pikë.

Fiton edhe skuadra e Clippers, që mundi 121- 119 Memphis, një tjetër ndeshje me rivalitet dhe emocione, ku diferencën e bënë Harrell me 24 pikë e Lou Williams me 22, të dy lojtarë stoli.

Kampionët në fuqi të Toronto mposhtën me lehtësi 126-98 New York, takim i dominuar nga kanadezët, me të zakonshmin Siakam që realizoi 31 pikë.

Pas një ndeshje të dominuar përgjatë gjithë kohës, skuadra e Houston mposhti 117-108 Miami, dy skuadra pretendente këtë sezon në NBA. Për teksanët u dallua Harden me 34 pikë.

Skuadra e Philadelphia, falë 33 pikëve e 16 rebound të Embiid mundi 97-91 Sacramento.

Boston triumfoi 121-110 ndaj Brooklyn, ndeshje ku u dallua Walker me 39 pikë.

Rezultatet:

Boston – Brooklyn, 121-110

Charlotte – Detroit, 102-101

Cleveland – Orlando, 104-116

Indiana – Utah Jazz, 121-102

Philadelphia – Sacramento, 97-91

Toronto – New York, 126-98

Houston – Miami, 117-108

Memphis – Clippers, 119-121

Milwaukee – Atlanta, 111-102

San Antonio – Minnesota, 101-113

Phoenix – Washington, 132-140

New Orleans – Lakers, 110-114

Portland – Oklahoma, 136-119

Golden State – Chicago, 104-90