Izmaku: Më vjen keq se Vushtrria nuk do të ketë asnjë përfaqësues në Parlament

Izmaku, në zgjedhjet e 6 tetorit ka marrë vetëm 6085 vota e që ia pamundëson që të jetë pjesë e legjislaturës së shtatë.

Ish-deputetja, nëpërmjet një shkrimi në Facebook ka falënderuar të gjithë votuesit e saj ndërsa shpreson që të mos ndalojnë projektet e nisura nga Izmaku.

Shkrimi i plotë:

Të dashur bashkëqytetarë!

Këto ditë ishin plot shqetësim e dhimbje nga ngjarjet në shtetin amë, andaj nuk e pashë te udhës te mirrem me çështje personale, por sot ndjejë obligim për nje falenderim me shkas qe ju takon juve te nderuar!

Pas çertifikimit zyrtar të rezultateve, unë për pak vota mbetem jasht ulëseve të kësaj legjislature! Mijëra vota tuaja më bënë krenare në besimin tuaj për vite radhasi!

Ju faleminderit nga zemra ju 6085 votues që besuat në mua dhe jo vetëm këtë radhë! Secilit nga ju u jam mirënjohëse sepse punuam shumë për një rezultat edhe më të mirë! Shpresoj që mungesa ime në Kuvend, nuk do t’i stopojë projektet që fillova në këtë vit buxhetor por që janë projekte 3 vjeçare e qe lidhen me kategorite me te çmuara te shoqerise sone, familje te deshmoreve, martir, invalid e veterane te UÇK-së!

Më vjen keq më shumë që dega e PDK-së në komunën e Vushtrrisë, pas një dekade nuk do të ketë asnjë përfaqësues në Parlament! Por, ne duam një shtet me demokraci dhe do të punojmë fortë edhe kur rezultati nuk është ai që deshëm bashkë! E ndajë bashke me ju besimin e vazhdueshëm në punën tonë të përbashkët si PDK, për të cilën do të punojmë edhe më shumë në projektet tona afatgjate politike!

Unë do të vazhdojë çdo ditë të angazhohem që pervojën e gjatë parlamentare, ta materializojë në të mirë publike, kudo ku ajo do t’më kerkohet në vazhdimësi!

Suksese urojë për secilën deputete që arriti të fitojë ulësen në legjislaturen e 7-të!!

Paçim mbarësi në forcimin e shtetësise sone!

Me respekt;

Xhevahire Izmaku