Flet Milot Raketa i cili shkëlqeu në humbjen e ekipit të tij

Që në minutat e parë të ndeshjes, u bë e ditur se ekipi vendos do të ketë shumë probleme me Rashicën. Ai i pati disa goditje të fuqishme e precize për ekipin e tij, madje në një rast ia doli që edhe të asistonte për Osakon i cili shënoi për të ngushtuar epërsinë. Por, goli u anulua përmes VAR-it.

Edhe në pjesën e dytë Rashica ishte mjaft i mirë me driblimet dhe goditjet e tij të forta. Në dy raste, bashkëlojtarët u munduan ta vendosnin në pozitë të mirë për të shënuar, por megjithatë porteri Yann Sommer sot bëri paraqitje fenomenale, shkruan Periskopi.

Të vetmin gol për Bremenin e shënoi Bittencourt pas asistimit nga Rashica. Rezultati përfundimtar ishte 3-1 për vendësit.

Rashica pas ndeshjes tha se s’është aspak i lumtur me rezultatin.

“Natyrisht se jemi të pakënaqur me rezultatin. Tani kemi ca kohë për të analizuar çka shkoi gabim”, tha Rashica duke iu referuar faktit se do të ketë pushim për klubet, pasi është radha e ndeshjeve të kombëtareve.