E vrau pa pikë mëshire pulën gjatë ndeshjes, futbollisti ndëshkohet me të kuq pas gjestit makabër

Gjatë ndeshjes NK Jelengrad-Jasenovac disa pula pushtuan fushën e lojës, ndërkohë lojtari i vendësve Ivan Gazdek i nevrikosur iu afrua dhe për ta larguar e goditi shpendin me shkelm, duke e ngordhur atë.

Për këtë veprim ai u ndëshkua me karton të kuq nga gjyqtari i ndeshjes. “Më besoni nuk doja ta bëja. Rezultati i ndeshjes ishte në diskutim dhe unë isha tepër nervoz.

Pulat futen shpesh në fushë e madje fusha është e pisët për këtë shkak”, deklaroi pas këtij incidenti futbollisti. Megjithatë, 23-vjeçari i kërkoi ndjesë pronares, madje ai dërgoi një pulë të re e një letër ku i shprehte keqardhjen për këtë ngjarje. /Periskopi.com/