E gjithë Kosova po e qanë mungesën e tij, Fenerbahce zbulon zhvillim të bujshëm për Muriqin

Vedat Muriqi nuk do të jetë pjesë e Kosovës në dy ndeshjet e fundit eliminatore për Kampionatin Evropian ‘Euro 2020’ kundër Republikës së Çekisë dhe Anglisë.

Ndonëse në fillim ishte grumbulluar, sulmuesi prizrenas nuk arriti të shërohej nga një lëndim që e kishte pësuar në fundjavë në nyjën e këmbës.

Klubi turk Fenerbahçe tashmë ka lansuar një raport në lidhje me gjendjen e 25-vjeçarit.

“Lëndimi i Muriqit është raportuar te Përfaqësuesja e Kosovës pa shkuar ai atje. Por, ata donin ta shikonin situatën dhe kur e panë rezultatin, u vendos që ai të mos luante”, thuhet në njoftim.

Tashmë Muriqi është kthyer në Stamboll ku do ta vazhdojë procesin e rikuperimit në Turqi.

Ndryshe, mediat turke dje raportuan se Muriqi mund të mungojë deri në katër javë shkaku i këtij lëndimi.