21 minuta më parëDrenicakët pushtojnë Prishtinën: Feronikeli fiton në kryeqytet
Periskopi(7 vite më parë)
(7 vite më parë)Kampioni aktual, Feronikeli ka shënuar fitore me rezultat 3:2 në udhëtim te Prishtina dhe në mënyrën më të mirë ka reaguar pas humbjes që e pësoi në shtëpi nga Ballkani. Ahmed Januzi (2’) kaloi vendasit në epërsi e cila nuk zgjati shumë, pasi Jean Carioca (6’) barazoi gjithçka, me rezultat që u mbyll 45 minutëshi […]
Kampioni aktual, Feronikeli ka shënuar fitore me rezultat 3:2 në udhëtim te Prishtina dhe në mënyrën më të mirë ka reaguar pas humbjes që e pësoi në shtëpi nga Ballkani.
Ahmed Januzi (2’) kaloi vendasit në epërsi e cila nuk zgjati shumë, pasi Jean Carioca (6’) barazoi gjithçka, me rezultat që u mbyll 45 minutëshi i parë.
Edhe gjysma e dytë nisi mirë për ‘bardhekaltërit’ që shënuan për 2-1 nëpërmjet Diar Miftaraf (49’).
Mirëpo, skuadra e Armend Dallkut sërish lëshoi avantazhin, pasi kapiteni i Niklit Lapidar Lladrovci (58’) baraspeshoi sërish.
Atëherë kur mendohej se skuadrat do ndanin pikët, në skenë doli sërish Jean Carioca (89′) që i siguroi ekipit të tij tre pikë të mëdha.
Prishtina mbetet në vendin e katërt me 24 pikë të grumbulluara, kurse Feronikeli në të gjashtin me 22 pikë.
/Periskopi/
