Arrihet marrëveshja, LVV dhe LDK dakordohen të qeverisin së bashku

Ka përfunduar takimi ndërmjet liderëve të VV-së dhe LDK-së, Albin Kurtit e Isa Mustafës.

Ky takim ishte si pjesë e serive të takimeve që tashmë kanë filluar mes këtyre dy partive, pas certifikimit të rezultatit të zgjedhjeve të 6 tetorit, shkruan Periskopi.

Nga LVV janë deklaruar se mëngjesi i së hënës do ta gjejë vendin me koalicion. Tutje, në komunikatën e përnbashkët thuhet se të dy partitë janë pajtuar për të gjitha çështjet e diskutuara deri tani.

Ata janë pajtuar që t’i kenë 12 ministri, ashtu siç ishte biseduar nga takimet e grupeve punuese.

Komunikata e plotë:

Sot në orën 13:00, në Kuvendin e Kosovës, u takuan kryetari i Lëvizjes VETËVENDOSJE!, Albin Kurti, dhe kryetari i LDK-së, Isa Mustafa. Në këtë takim u përmbyll 100% harmonizimi i programit qeverisës duke u pajtuar për të gjitha çështjet e hapura. Nga dy modalitetet e ndryshme për kabinetin qeverisës me 12 ministri, që i kishin ofruar ekipet punuese të dy subjekteve tona, Kurti dhe Mustafa u përcaktuan për verzionin e parë. Në vijim do të përzgjedhen përgjegjësitë në qeverisjen e përbashkët, për çfarë u sqaruan pozicionet dhe kërkesat. Pra, u hap tema dhe u saktësua principi i zgjidhjes, e që përfundimisht do të përmbyllet të hënën me marrëveshje.