Xhengis Rexhepi largohet nga Dukagjini

Rexhepi ka vendosur të largohet pas ndeshjes me Ballkanin, që u zhvillua sot. Dukagjini pësoi humbje nga Ballkani me rezultat 3:0 në Therandë.

Ish trajneri i Llapit drejtimin e skuadrës nga Klina e mori gjatë verës duke pasur rol edhe në transferimet e bëra nga klubet.

Megjithatë, Rexhepi ka vendosur të tërhiqet nga bankina e “Hithave” pas 12 xhirove të Superligës.

Bilanci i tij me Dukagjinin është dy fitore, një barazim dhe nëntë humbje duke u renditur në pozitën e fundit me shtatë pikë. Por, loja e bukur nuk ka munguar nga futbollistët e Dukagjinit, përkundër krizës së rezultateve.

Rexhepi përmes një statusi në rrjetin social, Facebook ka bërë të ditur vendimin e tij, duke e falënderuar presidentin e klubit, Fabian Veseli dhe gjithë stafin e klubit.

Ndryshe, Rexhepi është edhe ndihmës – selektor i parë në Kombëtaren e Maqedonisë të Veriut.

Më poshtë statusi i plotë i Rexhepit:

Të nderuar miq, media dhe dashamirë të futbollit.

Pas rezultateve negative në drejtimin e KF Dukagjini ndjejë përgjegjësi  morale të jap dorëheqje.

Me dinjitet dhe karakter jemi munduar ti mbrojmë ngjyrat e klubit,në pjesën dërmuese të ndeshjeve kemi qenë ekip më e mirë por në futboll nuk mjafton të luash mirë,duhet të fitosh, kriza dhe rezultatet negative kanë qenë vetëm tabelare, sa i përket lojës kemi luajtur shumicën e ndeshjeve shumë mirë, rastet e humbura,shtyllat, gabimet që janë bërë ndaj klubit nuk mbahen në mend, ndeshjet e mirë harrohen, syri i njeriut shikon vetëm rezultatin final.

Dua të shpreh dëshirën e sinqertë për suksese sa më të mëdha të KF Dukagjini. I dëshiroj suksese drejtorit Z. Fabian Veseli njeri me karakter dhe vlera të mëdha njerëzore e profesionale.

Gjithashtu e falënderoj për përkrahjen e vazhdueshme Kryetarin Komunës së Klinës Z. Zenun Elezaj.

Falënderim i madh për simpatizuesit dhe mbështetësit e KF Dukagjini, tifo grupit ‘Hithat’ për mbështetjen e pa rezervë që më kanë dhënë gjatë gjithë kohës.

Falënderoj të gjithë për bashkëpunimin korrekt, gjithë drejtuesit e klubit, stafin teknik, punëtorët teknik, futbollistët e KF Dukagjinit, grup fantastik lojtarësh me karakter dhe vlera të larta njerëzore.

Falënderim për secilin në KF Dukagjini dhe Kosovë që në një mënyrë kanë qenë të lidhur me mua.

Falënderim dhe mirënjohje për mediet për bashkëpunimin korrekt.

Faleminderit Klinë, suksese KF Dukagjini.