Xhaka përçan tifozët e Arsenalit: “Gabuam që e shamë e e vërshëllyem” (Video)

Xhaka u largua nga loja në minutën e 61 dhe për shkak të sharjeve dhe vërshëllimave nga lojtarët e Arsenalit, ai bëri me duar një shenjë që u konsiderua e pahijshme ndaj tifozëve dhe më pas e hoqi dhe e shqeu fanellën e Arsenalit.

Tifozi Kenny Ken i pyetur nga Arsenal Fan TV se çka mendonte për gjestin e kapitenit Granit Xhaka, imitoi Xhakën duke thënë se ai nuk mund të kërkojë që tifozët të mos e shajnë pas paraqitjeve dëshpëruese.

“Mënyra se si ne po e trajtojmë Xhakën është për turp. Aubameyangu kishte shans shumë të mirë për të shënuar kur ishim 2-0 përpara dhe tifozët veç duartrokitën. Po ta humbte Xhaka atë rast, do ta kishim vrarë.” – deklaroi më tej ai.

“Unë mendoj që Xhaka nuk është lojtari i duhur për ekipin. Por, nëse ju e veshni fanellën e Arsenalit, unë për vete kurrë s’do ta bëja atë gjë. Ju jeni një prej tanëve. Unë do t’iu mbështes 100%.”

Një tifoz tjetër me emrin Tade kishte tjetër shpjegim.

“Një gjë gabim plus një gjë gabim nuk bëjnë një gjë e mirë. Nuk mund të bësh paraqitje të dobët, e pastaj të bësh gjest të keq, dhe të mendosh se ke shpëtuar.”

Kjo gjë, sipas Tade ndikoi për keq edhe te lojtarët e tjerë të Arsenalit.

“Ne nuk e kishim mirë që e ngucëm Xhakën, që e vërshëllyem, na vyen që lojtarët tanë të jenë të motivuar gjatë ndeshjes.” – shtoi më tej ai. /Periskopi/