një minutë më parëThaçi takohet me Dakën e KQZ-së: Diskutojnë për Qeverinë e Re
Periskopi(7 vite më parë)
(7 vite më parë)Presidenti i Kosovës, Hashim Thaçi, ka takuar sot Kryetaren e KQZ-së, Valdete Daka në zyren e tij. Ata kanë biseduar për procesin e certifikimit të rezultateve të zgjedhjeve, dhe hapjen e rrugës për konstituimin e Kuvendit të Kosovës dhe formimit të qeverisë së re të Kosovës. Në kumtesën presidenciale thuhet se Daka e ka njoftuar […]
Ata kanë biseduar për procesin e certifikimit të rezultateve të zgjedhjeve, dhe hapjen e rrugës për konstituimin e Kuvendit të Kosovës dhe formimit të qeverisë së re të Kosovës.
Në kumtesën presidenciale thuhet se Daka e ka njoftuar Thaçin për hapat për përmbylljen e procesit të numërimit të votave dhe certifikimin e rezultateve të zgjedhjeve të përgjithshme të mbajtura në fillim të këtij muaji.
“Presidenti Thaçi ka vlerësuar Dakën për punën, integritetin dhe profesionalizmin e KQZ-së në menaxhimin e procesit të përgjithshëm elektoral”, thuhet në njoftim, transmeton Koha.net.
Kujtojmë se zgjedhjet parlamentare u mbajtën më 6 tetor, nga rezultatet e së cilës më të votuarat dolën Vetëvendosja e LDK-ja, porse pavarësisht thirrjeve të vazhdueshme, ende nuk ka hapa përfundimtar për t’u formuar qeveria e re.
Lëvizje Vetëvendosja dhe Lidhja Demokratike e Kosovës kanë paralajmëruar takime të mëtejme të grupeve të tyre punuese.
