Superliga e Kosovës vazhdon sot me tri ndeshje, luajnë liderët

Tri ndeshje do të luhen në orarin e njëjtë, me fillim nga ora 14:00, me vëmendjen që do të jetë në Gjilan, shkruan lajmi.net.

Gjilani do të jetë nikoqir i Trepçës 89, ku synon që të marrë fitore, për të vazhduar rrugëtimin në krye të tabelës.

Në anën tjetër, skuadra tjetër nga Anamorava, Drita, luan në udhëtim kundër Ferizajt, në synimin për tu rikthyer tek fitorja, pas humbjes në Prishtinë.

Në ndeshjen e tretë, Ballkani është favorit absolut përballë Dukagjinit që mban pozitën e fundit në tabelë.

Mbetet të shihet se çfarë rezultate do të korrin tri skuadrat e para të tabelës. Prishtina dhe Llapi shpresojnë për befasitë.