9 orë më parëPërçudnimi i Stadiumit Kombëtar, hotel me qendër tregtare dhe fushë futbolli
Periskopi(7 vite më parë)
(7 vite më parë)Pas 3 vitesh pritje, shqiptarët do të shohin ndeshje futbolli në stadiumin kombëtar të sapo përfunduar. Por ata i pret një e papritur e pakëndëshme: një stadium i përçudnuar që nuk i ngjan asnjë tjetri në botë. Transparenca si sport i pisët Metamorfoza ka zanafillë te kalimi i truallit të stadiumit me vlerë 50 milionë […]
Pas 3 vitesh pritje, shqiptarët do të shohin ndeshje futbolli në stadiumin kombëtar të sapo përfunduar.
Por ata i pret një e papritur e pakëndëshme: një stadium i përçudnuar që nuk i ngjan asnjë tjetri në botë.
Transparenca si sport i pisët
Metamorfoza ka zanafillë te kalimi i truallit të stadiumit me vlerë 50 milionë euro (75%) Federatës Shqiptare të Futbollit dhe (25%) Ministrisë së Ekonomisë. Në vitin 2011 kalimi u bë me kusht që të mos tjetërsohej për qëllime josportive. Pesë vite më vonë ky nuk ishte më kusht i qeverisë.
Në fillim të vitit 2016 kompania Alb-Star u prezantua fituese e tenderit pa garë të projektimit dhe ndërtimit të stadiumit të ri. Alb-Star ishte e vetmja që paraqiti ofertë për stadiumin me kullë të projektuar nga arkitekti i pëlqyer i Kryeministrit Rama, Marco Casamonti. Nuk pati asnjëherë konsultime me qytetarët edhe pse bëhej fjalë për Stadiumin Kombëtar.
Për projektin me kullë nuk pati transparencë rreth: kostos, fondeve, si do të ndahej prona, si do ta përballonte investimin kompania private.
Tre vite më vonë. Sërish asgjë nuk dihet për: sa është kostoja përfundimtare, shuma e fondeve të përdorura, si u siguruan ato, sa është sipërfaqja e pronës publike dhe asaj private.
