Penalltia më e çuditshme në histori? Gjyqtari akordoi 11 metërsh pasi rezervisti preku topin duke u nxehur

Ndeshja mes Holstein Kiel dhe Boshum në Bundesligën e dytë gjermane, përfundoi me fitoren 2-1 të ekipit vendas.

Megjithatë një episod i ndodhur gjatë zhvillimit të ndeshjes, ka filluar të bëjë xhiron e internetit. Në minutën e 36’, lojtari i Boshum, Ganvula gjatë një aksioni e gjuan topin larg portës. Por, topi nuk del jashtë, pasi atë e ndalon një lojtarët e Holstein, i cili ndodhej pas portave duke kryer nxehjen.

Për këtë episod, arbitri u detyrua të shikojë VAR-in, dhe më pas vendosi të akordojë 11-metërsh, pasi lojtari Eberuin e kishte ndaluar topin të dilte jashtë vijave. Nga pika e bardhë e penalltisë, Ganvula u tregua i saktë duke shënuar për skuadrën e tij, të cilët gjithsesi u mposhtën.

Menjëherë kjo video ka filluar të bëjë xhiron e botës, pasi një rast i tillë nuk ishte parë asnjëherë më parë. /Periskopi.com/