Në Suedi ndërtojnë statujë për ta nderuar Zlatan Ibrahimovicin

Sulmuesi tani veteran, kishte filluar karrierën pikërisht në vendlindje, te klubi i Malmos, ku shënoi 16 gola nga viti 1999 deri më 2001, para se të kalonte tek Ajaxi, raporton Periskopi.

Sa i përket Kombëtares, Ibra ka shënuar 62 gola në 116 ndeshje për Kombin skandinav.

Andaj, nuk është befasi fakti se atë e kanë nderuar me një statujë gjigante së fundmi.

Në Malmo është zbuluar statuja 3 metra e gjatë e bronzit, derisa në ceremoni ishte prezent edhe vetë lojtari.

“Më duket e pabesueshme, është padyshim një ditë dhe një moment i shkëlqyer. Unë nuk jam i veçantë, ndonëse jam më i miri në atë që bëj”, ka thënë ai. /Periskopi.com/