Milot Rashica – lojtari më i mirë kosovar i javës në Evropë (Video)

Javën e kaluar, më i miri ishte mbrojtësi i Heerenveen, Ibrahim Dresheviq në fitoren e ekipit të tij si mysafir. Këtë javë, Dresheviq u paraqit më zbehtë dhe mori notë më të dobët (6.4) në ndeshjen kundër Groningen në Eredivisie të Holandës.

Edhe mbrojtësi tjetër, Amir Rrahmani nuk kishte ditën e tij më të mirë për Veronën në ndeshjen kundër Sassuolos pasi ekipi i tij humbi dhe ai u notua me 6.3. Sidoqoftë, mbetet të vlerësohet që ai është mbrojtësi më i mirë në klubin e Ivan Juriq, dhe ishte i vetmi që nuk u zëvendësua duke dëshmuar se sa i vlefshëm është për ekipin simpatik nga Serie A.

Milot Rashica shënoi një gol spektakular për Werder Bremenin në Bundesliga në ndeshjen e zorshme kundër Leverkusenit si mysafir. Kjo ndeshje përfundoi 2:2 ndërkaq Rashica ishte më i mirë i ekipit të tij me notën 7,9.

Një tjetër paraqitje të mirë dhuroi edhe Vedat Muriqi që e shënoi një gol në fitoren 5-1 të Fenerbahçes kundër Konyasporit. Tashmë, ylli dardan ka arritur në shifrën e 5 golave dhe në këtë sfidë u vlerësua me notën 8,3.

Florent Hadërgjonaj dhe Arijanet Muriq nuk luajtën fare në Championship. Por, Celina luajti në fitoren e Swanseat dhe bëri paraqitje solide [7,1].

Lojtari dardan i javës nga kjo javë me shumë meritë zgjedhet Milot Rashica i Bremenit, edhe pse kishte notë pak më të ulët se Muriqi. Rashica me ekipin e tij kishin ndeshje shumë më të vështirë këtë javë për dallim nga Muriqi dhe shokët e tij që u përballën me një prej ekipeve më të dobëta të Superligës turke.

Kësisoj, lojtari dardan i javës sipas redaksisë së Periskopit është pikërisht ylli ynë nga Vushtrria, Miloooot Rashicaaa. /Periskopi