9 orë më parëLajm i keq për Kosovën: Uefa e dënon Bullgarinë, në sfidën vendimtare luan pa tifozë kundër Çekisë
Periskopi(7 vite më parë)
(7 vite më parë)Bullgaria është urdhëruar nga UEFA që t’i luajë dy ndeshjet garuese të radhës në shtëpi prapa dyerve të mbyllura, domethënë pa shikues. E gjithë kjo pas thirrjeve raciste që ndodhën në ndeshjen kualifikuese të këtij vendi kundër Anglisë. Kryeministri britanik, Boris Johnson, ishte mes atyre që kërkuan sanksione nga trupat qeverisës të Evropës pas incidenteve […]
E gjithë kjo pas thirrjeve raciste që ndodhën në ndeshjen kualifikuese të këtij vendi kundër Anglisë.
Kryeministri britanik, Boris Johnson, ishte mes atyre që kërkuan sanksione nga trupat qeverisës të Evropës pas incidenteve në Sofie në fitoren 6 me 0 të Anglisë.
Ajo ndeshje ishte ndërprerë dy herë pas brohorimave të bullgarëve kundrejt Tyrone Mings, Raheem Sterling dhe Marcus Rashford, shkruan Guardian, përkthen Periskopi.
Edhe ministri i sporteve në qeverinë britanike, Nigel Adams, i kishte shkruar presidentit të UEFA-s, Aleksandër Ceferinit, duke i kërkuar që të marrë hapa urgjentë.
UEFA konfirmoi dënimin gjatë ditës së sotme.
Bullgaria do të luajë ndeshjen vendimtare për Kosovën kundër Çekisë, sipas këtij vendimi, dhe që i lehtëson edhe më tej punën ekipit tonë rival për vendin e dytë. /Periskopi
